تغير بسيط، أثره كبير

🌙 النوم بدري غيّر حياتي… حرفيًّا! أنا كنت من الناس اللي دايم تسهر، وما أحب أنام بدري أبدًا. بس والله من يوم ما التزمت بالنوم بدري، حسّيت إن حياتي اتغيّرت من جد: صحتي أحسن، مزاجي أهدى، وحتى بيتي صار أروق. 🧠 عقلي صار يروق كنت أنام وأنا أفكر فـ ألف شي، ودماغي ما يهدى. بس لما صرت أنام بدري، حسّيت راسي صار أخف، أقوم الصباح وأنا رايقة، وأعرف أرتّب يومي. ما عاد أنسى زي أول، ولا أعصب على أي شي تافه. 💪 جسمي أقوى، ومناعتي صارت أحسن أيام السهر؟ كنت دايم تعبانة، أي برد يطيّحني في الفراش. بس يوم صرت أنام بدري، حسّيت جسمي أقوى، ما عاد أمرض زي أول. غير كدا، لما كنت أسهر، أقوم وأنا ما فيني طاقة، لا أنظف، لا أطبخ، حتى ما لي خلق أتكلم! بس نوم الليل غير… أقوم وأنا مروّقة، أبدأ يومي بفطور، تنظيف، وشوية مزاج حلو. ❤️ توازن الهرمونات حسّيت فيه فعليًا كنت أجهل تأثير النوم على الهرمونات، لكن سبحان الله لما بدأت أنام بدري، كل شي بدأ يتنظم: التوتر خف مزاجي صار أهدى حتى شهيتي تغيّرت، كنت آكل بدون ما أحس وصرت ألاحظ جسمي يوازن نفسه مع الأيام. 😴 راح التوتر، وه...

كيف نوجّه الطفل ونغيّر من سلوكه السلبي؟ 👶🌱 في كل بيت، تمر لحظات يتصرف فيها الطفل بسلوك مزعج أو غير مقبول. يمكن يعاند، يبكي، أو يرفض يسمع الكلام. لكن بدل ما نرد بالعصبية أو العقاب، نقدر نوجّهه بطريقة فيها وعي وحب، وتساعده يتغيّر من الداخل. ١. افهم السبب قبل رد الفعل 🤔 الأطفال ما يتصرفوا بشكل سلبي عبث. أحيانًا يكون السبب التعب، قلة التركيز، الشعور بالإهمال، أو حتى الجوع وقلة النوم . مثال: ديم ترجع من الروضة، وتبدأ تصرخ فجأة وترفض تأكل. الأم بدل ما تزعل، تسألها بهدوء: "يا ديم، نومك كان كويس؟ أخذتي غدا اليوم؟" وتكتشف إنها ما نامت كفاية وكانت جعانة. هنا نعرف إن التصرف نتيجة احتياج، مو عناد. ٢. اثبّت القواعد، بس بلطف 💬 من حق الطفل يعرف الحدود، بس من المهم تكون القواعد واضحة ومراعية لعمره. مثال: تقول لأختك الصغيرة ليان : "يا ليان، نستخدم الجوال بعد ما نخلص الواجب". أو تنصح ابنك تركي : "الوقت المناسب للتابلت هو ساعة بعد الغدا، وساعة بعد المغرب ". كمان مهم نراعي عمر الطفل، وما يزيد استخدام الشاشة عن ساعتين أو ثلاث ساعات باليوم مقسمة بشكل مريح. ٣. ا...

  بقلم: أم رودينا من جدة يا هلا ويا مرحبا… كأم أو أب دايم نفكر: كيف أزرع عادة حلوة في حياة بنتي؟ كيف أحببها في القراءة؟ أو أخليها تتعلم إنجليزي؟ أو حتى تداوم على تمارين رياضية زي الكورة أو السباحة؟ الحكاية مو صعبة، بس تبغى شوية صبر… وشوية ذكاء. ١. نبدأ بالحب مو بالإجبار أهم شي، لا نضغط عليهم. لا تقولي لبنتك: "اقري غصبًا عنك!"، ولا "روحي التمرين ولا أحرمك من التابلت". الطفل لو حس إننا بنفرض عليه شي، راح يكرهه من قلبه، حتى لو كان مفيد له. بدال كدا، خليها تشوفك تسوي الشي دا بنفسك. اقري قدامها، تكلمي معاها بالإنجليزي شوية، روحي معاها النادي وخليها تشوفك تتحركي. الأطفال يقلدونا بدون ما نحس. ٢. نسوي العادة لعبة الطفل يحب اللعب… فليش ما نحول العادة الجديدة للعبة؟ مثلًا: القراءة: سووا تحدي بينكم "مين تقرأ قصة أكثر؟" اللغة: نزلي تطبيق تعليمي فيه ألعاب (زي Lingokids أو Duolingo) الرياضة: خليها تختار التيشيرت أو الحذاء بنفسها، وخذوها كأنها طلعة ممتعة مو تدريب ثقيل ٣. نربط العادة بشي تحبه لو بنتك تحب الحيوانات، خليها تقرأ قصص عن القطط والكلاب. ...

كيف يفكر أطفال اليوم؟ نظرة من قلب أم لعالم الطفولة الحديث أطفال اليوم.. كيف بيشوفوا الدنيا؟ أحيانًا وإنت جالس تراقب ولدك أو بنتك وهما يلعبوا قدامك، تحس كأنك بتتفرج على نسخة صغيرة منك، بس بنسخة مطوّرة. مو بس عشانهم أذكى، لا… كأن عندهم حسّ ما كنا نملكه وإحنا في أعمارهم. زمان كنا نركض ونطيح ونتعلم بعدين، أما دحين؟ أطفال اليوم يبغوا يعرفوا "ليش" قبل ما يسووا أي شي.